الأسئلة الشائعة

وش هي تحداني؟ تحداني منصة ألعاب جماعية مصممة للجمعات، تضم اللعبة الجماعية للمنافسة بالأسئلة، ووصلها التي تجمع بين المعرفة والاستراتيجية والسيطرة على اللوحة.

وش الألعاب الموجودة في تحداني؟ تضم تحداني حاليًا لعبتين: اللعبة الجماعية، وفيها تتنافس الفرق على الإجابة وجمع النقاط، ووصلها، وفيها تتنافس الفرق على الإجابة والسيطرة على الخلايا وربط الطريق للفوز.

هل تحداني مناسبة لجميع الأعمار؟ نعم، تضم تحداني فئات متنوعة تناسب أعمارًا واهتمامات مختلفة، وتقدرون اختيار الفئات الأنسب لجمعتكم قبل بدء اللعب.

هل تحداني لعبة فردية أو جماعية؟ تحداني مصممة أساسًا للعب الجماعي والمنافسة بين الأصدقاء والعائلة، وتكون التجربة أحلى لما تقسّمون جمعتكم إلى فرق.

وش الفرق بين اللعبة الجماعية ووصلها؟ في اللعبة الجماعية تختارون الفئات، تقسّمون اللاعبين إلى فرق، وتتنافسون على جمع أعلى عدد من النقاط. أما في وصلها، فتجاوبون عن الأسئلة وتسيطرون على الخلايا حتى تربطون طريقكم على اللوحة قبل منافسيكم.

كيف أبدأ اللعب؟ سجّل دخولك، اختر اللعبة، جهّز الفرق وحدد الفئات، وبعدها ابدأ التحدي واستمتع بالمنافسة مع جمعتك.

كم شخص يقدر يلعب؟ يختلف حسب اللعبة؛ في اللعبة الجماعية تقدرون تقسّمون جمعتكم إلى عدة فرق، أما وصلها فالمنافسة فيها بين فريقين. وعدد اللاعبين داخل كل فريق راجع لكم؛ كل ما كبرت الجمعة، زاد الحماس!

هل نحتاج جهاز لكل لاعب؟ لا، يكفي جهاز واحد لإدارة اللعبة وعرض الأسئلة للجميع. ولتجربة أحلى، تقدرون تعرضون اللعبة على التلفزيون أو شاشة أكبر.

هل لازم كل اللاعبين يسجلون حساب؟ لا، يكفي أن يسجّل الشخص اللي بيدير اللعبة دخوله إلى حسابه، وبعدها يجهّز الفرق ويبدأ اللعب.

وش أنواع الفئات الموجودة؟ تضم تحداني فئات متنوعة مثل المعلومات العامة، الرياضة، الأفلام والمسلسلات، الأنمي، الجغرافيا، الثقافة، الموسيقى وغيرها الكثير.

هل تضاف فئات وأسئلة جديدة؟ نعم، نعمل باستمرار على إضافة فئات جديدة وتحديث المحتوى حتى تظل كل جمعة مختلفة وممتعة.

لقيت سؤالًا أو إجابة تحتاج تعديل، وش أسوي؟ تقدر تبلغنا من خلال خيار «الإبلاغ» داخل اللعبة، وبيتم إرسال ملاحظتك إلى فريق تحداني لمراجعتها.

هل أحتاج حساب عشان ألعب؟ نعم، تحتاج إلى تسجيل الدخول حتى تبدأ اللعبة وتحفظ الألعاب والمشتريات في حسابك.

هل أقدر أستخدم حسابي على أكثر من جهاز؟ نعم، تقدر تسجّل دخولك إلى حسابك من جهاز آخر باستخدام بيانات الحساب نفسها.

نسيت كلمة المرور، كيف أستعيدها؟ اضغط على «نسيت كلمة المرور» في صفحة تسجيل الدخول، واتبع التعليمات المرسلة إلى بريدك الإلكتروني.

وين أقدر ألعب تحداني؟ تقدر تلعب من خلال موقع تحداني أو عبر التطبيق على الجوال والأجهزة اللوحية.

هل أقدر أعرض اللعبة على التلفزيون؟ نعم، تقدر تعرض شاشة جهازك على التلفزيون باستخدام طرق مشاركة الشاشة المتاحة في جهازك، وبهالطريقة تكون الأسئلة أوضح للجميع.

كيف أحصل على ألعاب؟ اختر الباقة المناسبة من صفحة الباقات، وأكمل عملية الدفع، وبعدها تضاف الألعاب إلى حسابك وتكون جاهزة للاستخدام.

وين ألقى الألعاب اللي اشتريتها؟ بعد تسجيل الدخول، بتلقى ألعابك المتاحة داخل حسابك وتقدر تبدأ منها مباشرة.

هل الباقات تشمل اللعبة الجماعية ووصلها؟ لا، لكل لعبة باقاتها الخاصة. قبل الشراء، تأكد أنك اخترت باقة اللعبة الجماعية أو باقة وصلها بحسب اللعبة اللي تبيها.

هل الألعاب لها مدة صلاحية؟ لا، الألعاب اللي تشتريها ما تنتهي صلاحيتها قبل استخدامها، وتقدر تبدأها في الوقت اللي يناسبك. وبعد بدء اللعبة، تقدر ترجع لها من قسم «ألعابي السابقة».

انخصم المبلغ وما ظهرت الألعاب، وش أسوي؟ تأكد أولًا أنك مسجل الدخول بالحساب نفسه المستخدم وقت الشراء. وإذا ما ظهرت الألعاب، تواصل معنا وأرسل تفاصيل العملية حتى نساعدك.

هل أقدر أسترجع قيمة اللعبة؟ تخضع طلبات الاسترجاع لشروط وأحكام تحداني وسياسة الدفع، ويمكنك مراجعة السياسة أو التواصل معنا لمعرفة حالة طلبك.

اللعبة ما تفتح أو توقفت، وش أسوي؟ تأكد من اتصال الإنترنت، ثم حدّث الصفحة أو أغلق التطبيق وافتحه من جديد. وإذا استمرت المشكلة، تواصل معنا مع إرفاق صورة أو وصف للمشكلة.

هل اللعب يحتاج اتصالًا بالإنترنت؟ نعم، تحتاج إلى اتصال مستقر بالإنترنت لتشغيل اللعبة وعرض الأسئلة وحفظ التقدم.

كيف أتواصل مع فريق تحداني؟ تقدر تتواصل معنا من خلال صفحة «تواصل معنا»، وبيساعدك فريقنا في أقرب وقت ممكن.

وش المعلومات اللي أرسلها عند وجود مشكلة؟ أرسل البريد أو رقم الجوال المرتبط بحسابك، ونوع الجهاز، ووصف المشكلة، وصورة للشاشة إن أمكن؛ حتى نقدر نحلها بشكل أسرع.

الأسئلة الشائعة

عن تحداني

الألعاب وطريقة اللعب

الفئات والأسئلة

الحساب والأجهزة

الباقات والمشتريات

الدعم والمشكلات